今天，如常接三個小朋友放學，亦如常買了些地道街頭小食～咖喱魚蛋～給他們。
沒想到，遭到两個小的極度嫌棄，說咖哩沒咖哩味，魚蛋沒魚蛋味！
然後二女兒一口氣說出以下食評～
媽咪，您忘記了嗎？
每次您帶我去理工大學驗眼嘅時候，都一定會去隔籬嗰間「林昌記」食魚蛋，而且我每次都會叫咖喱魚蛋，因為佢哋嗰度嗰啲咖喱魚蛋，即使好似我呢啲唔可以食辣嘅人都食得落，雖然好辣，但係令人食唔停，總覺得有種魅力喺度吸引緊我。另外佢哋嗰度嗰啲魚蛋，唔似出面嗰啲煮定比人咁，佢哋都係即叫即煮嘅。佢哋嘅魚蛋非常彈牙，一啖一粒，即使係咖喱味，也會食得出道地魚蛋嘅味道。除咗魚蛋之外，佢哋都有另外喺度賣香港其他嘅特色小食，例如燒賣，腸粉等，價錢不算貴，而且非常有人情味，非常推薦大家去食！
下次您都試下啦。
聽到女兒贊不絕口的食評，我沉思了，為什麼一粒細細魚蛋，可以令到這小朋友念念不忘？
於是我上网搜尋了「林昌記」的資料～原來真是大有來頭！
以前在深水埗桂林街夜市，每逢農曆新年初一至初三晚上，就會有超級多小販檔。
當時「林昌記」就是其中一檔，他推著一台小木頭車，在三天賣出十萬粒的紀錄，這絕對是香港小食的一個傳奇，一天賣三萬粒就是一個晚上大約賣4300串。
據所知桂林街夜市中唯一小販檔轉化成開店，之後還能開分店的，應該只有「林昌記」這一檔！
為什麼能創造這記錄，這傳奇呢？
因爲到今時今日他們仍堅持用98%魚肉制造魚蛋，絕不偷工減料。用心堅持，品質才能有保障，才可以做出如此美味，如此令人念念不忘的魚蛋。
創業難，守業難，堅持初心更難，希望「林昌記」繼續堅持用心做，香港街頭小食，得以傳承下去！
餸您健康的專頁 